Բժշկությունն ԱՅԼ ԿԵՐՊ (թեմատիկ հավելված)

Խելահեղ մասնագիտական ժամանց՝ բժիշկների համար:

Բժշկությունն ԱՅԼ ԿԵՐՊ-ը ԱՅԼ ԿԵՐՊ հեղինակավոր խաղի թեմատիկ հավելվածն է՝ նախատեսված բժշկությունից, կենսաբանությունից, մարդու անատոմիայից և առողջապահությունից հասկացող ու հայերենին տիրապետող ալկերպասերների համար:

Անհրաժեշտ է որքան հնարավոր է շատ բառ բացատրել թիմակիցներին այլ կերպ՝ չօգտագործելով նույնարմատ բառեր և այդ բառերի թարգմանությունն այլ լեզուներով:

Յուրաքանչյուր գուշակած բառը 1 միավոր է։ Առաջադրանքը կատարելու համար տրվում է 1 րոպե։

Աննկարագրելի ուրախ ժամանցից բացի, խաղը հնարավորություն է տալիս ստուգել և նույնիսկ համալրել իրավական գիտելիքների պաշարը:

Որտե՞ղ խաղալ

Հավաքույթներին, տանը, ակումբում կամ ճամփորդելիս:

Ու՞մ հետ խաղալ

Բժշկությունից և առողջապահությունից հասկացող ընկերների, գործընկերների, համակուրսեցիների… 

Մասնակիցների նվազագույն թիվը՝ 4, առավելագույնը՝ անսահմանափակ։

Անվանումը՝ «Բժշկությունն Այլ կերպ» թեմատիկ հավելված

Կարգախոսը՝ խաղում ենք հայերեն

Տուփի պարունակությունը`

▪       120 քարտ

▪       խաղի կանոնները մեկնաբանող թերթիկ

«Այլ կերպ» խաղերի ստեղծման հիմքն ու շարժառիթը անբասիր հայերենի գործածության խթանումն էր:

Խաղի բովանդակությունն առանձնակի հոգածությամբ է մշակվել: Ընտրվել են Բժշկության, կենսաբանության, մարդու անատոմիայի մասնագիտությւնների հետ առնչվող և առհասարակ առողջապահության ոլորտում գործածվող բառեր ու արտահայտություններ:

Յուրաքանչյուր քարտի վրա գրված յոթ բառերը որոշակի օրինաչափություն ունեն. ընդգրկված են պարզ և բարդ գոյականներ, բայեր, բառակապակցություններ, հատուկ անուններ, տեղանուններ:

Ստեղծվել է 2020 թվականի ապրիլին:

Արտադրված է Հայաստանում

Արտադրող՝ ԱՅԼԿԵՐՊ ՍՊԸ

Բաժանվում ենք թիմերի, չինգաչունգով կամ ոտք գցելով որոշում՝ ով է սկսում խաղը: Թիմից մեկը քաշում է քարտը և փորձում իր թիմակիցներին բացատրել քարտի վրա գրված բառերը՝ այլ կերպ: Առաջադրանքը կատարելու համար տրվում է 1 րոպե, որը հաշվվում է խաղին կից ավազի ժամացույցի միջոցով: Յուրաքանչյուր գուշակած բառը 1 միավոր է: 

Եթե քարտի բոլոր 7 բառերը գուշակել են, իսկ ժամանակը դեռ չի սպառվել, մասնակիցն իրավունք ունի հաջորդ քարտը վերցնել:

Բառերը կարող են բացատրվել տարբեր եղանակներով, օրինակ՝ օգտագործելով հոմանիշներ, հականիշներ, նկարագրել իրավիճակ և այլն:

Քանի դեռ թիմակիցները փորձում են գուշակել, բացատրողը պետք է ընթացքում շարունակի նորանոր հուշումներ տալ՝ պահպանելով խաղի կանոնները:

Բացատրելիս քարտի վրա գրված բառերի հերթականությունը պահպանելը պարտադիր չէ:

Հակառակորդ թիմից որևէ մեկը պետք է հետևի, որպեսզի բացատրողը պահպանի բոլոր կանոնները: Խախտելու դեպքում (օրինակ՝ բառարմատն օգտագործելիս կամ թարգմանությունը նշելիս) թիմը կորցնում է մեկ միավոր

Հաղթում է այն թիմը, որը կհավաքի ավելի շատ միավոր: